القائمة الرئيسية

الصفحات

أخبار الاخبار

كل ما تريد معرفتة عن Apex Legends


ApexLegends




لعبة جديدة لسه نازلة قريب واللي عملتها شركة Respawn ENTERTAINMENT اللي عملت جزئين لعبة TITANFALL.

أول حاجة لازم تعرفها عن اللعبة إنها باتل رويال يعني زي PUBGوFortnite ، لكن مع اختلافات بسيطة.
تاني حاجة محتاج تعرفها إنها مجانية مع إمكانية إنك تصرف فلوس حقيقية على ملابس وغيره ، لكن بما إن شركة EA  هي اللي ناشرة اللعبة ففي خوف إنها تتحول تبقى Pay to win يعني لازم تشتري أسلحة قوية عشان تقدر تفوز زي ما حصل في لعبة   Star wars BATTLEFRONTفي الأول ومشاكل الload boxاللي حصلت فيها ، لكن حتى الآن أمور اللعبة ماشية كويس جداً ، بس ده مش موضوعنا دلوقتي ، نخش في اللعبة !

المنظور و الجرافيكس

اللعبة من المنظور الأول وبالنسبة للعبة مجانية فArt work و الجرافيكس هايلين بشكل غير عادي واللعبة سريعة الرتم ، كل ما تتحرك أكتر كل ما فرصتك في النجاة تزيد واللي بيساعد على كده خاصية ال Sliding أو الزحلقة اللي بتزود من سرعة نزولك في المنحدرات والطلوع على الحبال اللي بتوفرلك وقت كبير في طلوع المباني.

طريقة العب

كل ماتشبيتلعب فيه 60 لاعب متقسمين فرق ، كل فريق عبارة عن 3 أشخاص مع بعض بينزلوا من الطيارة للمكان اللي بيختاروه على الخريطة ويقعدوا يجمعوا فلوس وأسلحة ويحاولوا يبقوا آخر ناس عايشين على الجزيرة.
وعلى عكسPUBG و Fortnite اللي فيها كله بينزل بنفس الشخصية تقريباً ، ابيكس فيها 8 شخصيات كل واحدة ليها قدرتين زي مثلاً:
BLOODHOUND وده عنده القدرة إنه يشوف آثار الأقدام بتاعة الفرق التانية ويعرف يتتبعهم ويوصلهم ، وقدرته التانية إنه يطلع دخان يعمي الناس وهو بس اللي يشوف من خلاله.
و GIBRALTAR ده بطيء شوية بس قدرته الأولى إنه يرمي درع يحمي بيه نفسه وفرقته ،وقدرته التانية إنه ينزل صواريخ من السما.
أما LIFELINE فدي ال Medicوقدرتها إنها تطلع droon يعالجها هي وبقية فرقتها ، وقدرتها التانية إنها تنزل support drop field ممكن تنفعهم.
PATHFINDERمعاهgrappling hook ممكن ينط بيه من مبنى لمبنى كأنه بات مان في نفسه ، وممكن يحط حبل طويل بحيث إنه يبقى طريق للهروب.
وفي WRAITH ودي سريعة جداً وتقدر تختفي من الأعداء وبرضو تقدر تعمل Portal أو بوابة زمنية تخشها هي وأي حد من فرقتها عشان يوصلوا للأماكن أسرع.
BANGLURE سريع برضو وتقدر ترمي قنابل دخان تعمي بيها الأعداء ، وتقدر ترمي صواريخ من السمابرضو.
CAUSTICبيطلع غاز سام.
MIRAGEبيعمل نسخة مزيفة من نفسه عشان يخدع بيها الأعداء.
ومن الحاجات اللي بتميز اللعبة هي وجود نظام الفينيشرز ودا الأنيميشن اللي بيتعرض لما حد يقتل التاني.
فنقدر نقول إن اللعبة واخده نظام الباتل رويال من PUBG و Fortniteوالمنظور الأول من CALL DUTY BLACK OUT ونظام الHerosالموجود في ألعاب زي overwatch و TEAM FORTRESS2عشان تبقى APEXLEGENDS .
اللعبة زي ما قلت مجانية موجودة حالياً على الحاسب الشخصي ، Xbox1 ، Play station 4 ومفيش أي معلومات لسه لو في نسخة ليها على Nintendo switch ولا لأ ، مفيش بردو معلومات إذا لو كانت هتتوفر على الهواتف.


ملحوظات اخيرة

اللعبة أنا شايف إنها تستحق التجربة وممكن تنافس Fortniteبشكل كبير.
إذا نزلتها ولعبتها شاركنا رأيك فيها ، وهل هي أحسن من Fortniteولا PUBG؟!
ياريت تعملوا إعجاب وتشاركوه مع أصحابكم...
كان معاكم ونشوفكم في معلومات جديدة على GAME  كوم على موقعنا

هل اعجبك الموضوع :

تعليقات